Cada vez máis detalladas. Así son as fotografías de Juno, unha sonda espacial dedicada a estudar Xúpiter máis de preto. Lanzárona en 2016 cunha cámara de luz visible que, de cando en cando, deléitanos con imaxes espectaculares sobre o xigante gasoso. Algunhas das últimas fotografías que chegan a nós retratan con gran detalle as tormentas que se rexistran no planeta. Para iso, científicos e afeccionados analizan as imaxes e, incluso, participan no seu proceso de edición.
É o caso de Kevin Gill —editor das anteriores—, que ofrece vistas tridimensionais dunha tormenta xigante, aínda que establecer a magnitude dos seus remuíños sexa unha ardua tarefa. Este fotógrafo tamén publica fotografías dos rovers de Marte. Outro dos grandes afeccionados é Andrea Luck, tamén editor de diferentes imaxes de Juno. Unha nave espacial que dende que está en órbita nos axudou a comprender mellor a estrutura interior e o campo magnético de Xúpiter.
