Chega a choiva de estrelas das Delta Acuáridas

A coincidencia co novilunio fará máis doada a observación pola escuridade da bóveda celeste

Xa está aquí a choiva de estrelas das Delta Acuáridas, que este verán serán o espectáculo astronómico dos ceos galegos xa que será máis complicado contemplar as Perseidas, que terán o seu máximo o 12 de agosto, e que neste ano 2019 coinciden cunha poderosa luz da Lúa, xa que o plenilunio vai producirse o 15 de agosto.

As Delta Acuáridas serán a mellor oportunidade para ver unha choiva de estrelas este verán. Aínda que estes meteoros son visibles desde o 12 de xullo ata o 23 de agosto, o mellor momento para contemplalos é a finais de xullo, sobre todo na noite do 29 ao 30.

Publicidade

Este ano as Delta Acuáridas chegan nunha situación excepcional, xa que no seu momento de apoxeo a Lúa estará case en fase nova, proporcionando un ceo máis escuro que facilitará a súa observación. En ceos escuros e sen contaminación lumínica poderán verse ata 20 meteoros por hora.

Outros espectáculos do ceo nocturno este verán serán, para os amenceres, os planetas Venus e Mercurio (este último só en agosto). Durante os atardeceres poderemos ver Xúpiter, Saturno e Marte (este último só foi visible ata mediados de xullo).

Tamén poderemos ver unha aliñación Xúpiter-Lúa-Saturno entre o 9 e o 13 de agosto e do 5 ao 8 de setembro.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A seguinte eclipse solar total será en 2026 e si, poderase ver dende Galicia

Dentro de dous anos, o fenómeno observarase en todo o seu esplendor na zona oeste do territorio galego arredor das 20:20 horas

Como xestionar a enerxía eléctrica en vehículos lunares non tripulados? Así o estuda a UVigo

O proxecto busca garantir as demandas eléctricas dos 'rovers' no polo sur lunar, un lugar de interese científico pola posibilidade de que exista auga conxelada

A Lúa non ten ceo

https://theconversation.com/javascripts/lib/content_tracker_hook.js *Un artigo de “E se estivésemos equivocados? E se a Terra...

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito