Na parroquia pontevedresa de Mourente, aos pés da ermida de Santa Margarita, eríxese un maxestoso carballo (Quecus robur) de máis de 500 anos de antigüidade. A árbore, que conta cunha altura de máis de 18,4 metros e un tronco que acada os 8,5, é fonte de numerosas lendas e protagonista da cultura popular do lugar. Agora, a súa relevancia medioambiental e histórica queda demostrada por ser finalista do concurso “Árbore do Ano en España”. Máis en concreto, ostenta un terceiro posto con 2.830 votos, só por detrás da aciñeira do Monte da Redonda (6.128 votos), situada en Catabria e gañadora do concurso; e do plataneiro Biar (4.975), en Valencia.
Segundo se recolle na páxina web do concurso, o carballo de Santa Margarita é unha árbore lendaria. Dise que é o único supervivente dunha carballeira ancestral onde os druídas realizaban bautismos de lúa. Igualmente pénsase que os seus irmáns foron talados para construír a nao Santa María, que habería de acompañar ao almirante Cristóbal Colón na súa primeira viaxe a América. Tamén transcende que a mediados do século XX se converteu en paredón de fusilamento e que aínda se aprecian no seu tronco as cicatrices das balas. O certo é que dende os anos 70 sofre unha “progresiva deterioración” porque se cubriu a zona onde habita cunha capa de asfalto.
O asfalto é coma o chapapote tende a cubrirlo todo sen respectar a vida ….
Longa vida ao noso petrucio carballo !
Ah , plataneros ou plátanos de sombra …?