O fenómeno do parhelio captado sobre Coruxo, na ría de Vigo, este xoves. Foto: Susana González.

Captan un parhelio: dous soles na ría de Vigo

O fenómeno óptico do Sol múltiple está asociado a nubes de tipo cirro con cristais de xeo

Dous soles sorprenderon este xoves no ceo da ría de Vigo pouco antes do solpor. O fenómeno coñecido como parhelio (ou parahelio) é un efecto óptico asociado coa reflexión e a refracción da luz, moi semellante aos halos.

A aparición dun segundo Sol situado a uns 22 graos á esquerda ou á dereita do real consiste nunha mancha luminosa no ceo. Ás veces, o parhelio semellan tres soles, cos dous falsos un a cada lado do orixinal.

O efecto óptico do segundo sol captado onte en Vigo. Foto: Susana González.

Este fenómeno óptico adoita acontecer en condicións atmosféricas estables, cando hai nubes de tipo cirro con gran cantidade de partículas de xeo. Aínda que os parhelios máis comúns só duran algúns minutos, o de onte na ría de Vigo, captado pouco antes das nove da noite, mantívose visible durante máis de media hora.

Outro fenómeno similar son os paraselenes, que se producen coa Lúa, cando semellan aparecer outras dúas a cada lado da orixinal.

Paraselenes en Alasca

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.