Esta mañá foron atopadas dúas granadas na porta da oficina do rexistro da propiedade de Corcubión (A Coruña). Foi unha limpadora a que deu con elas a primeira hora xusto ao lado do acceso principal do inmoble. Axentes da Garda Civil achegáronse á zona tras a chamada da muller e desaloxaron o edificio e acordoaron o recinto. Os expertos en explosivos están investigando se as granadas teñen carga e se estaban activadas ou non. Radio Nordés publicou as imaxes dos proxectís así como un vídeo in situ da investigación.
Atopadas dúas granadas no rexistro da propiedade de Corcubión
Unha limpadora atopou os artefactos na porta do edificio e chamou á Garda Civil, que desaloxou o inmoble á súa chegada
