Únete á nosa canle de Whatsapp
É a eclipse parcial de Lúa máis longa desde o século XV e non volverá haber outra da mesma duración ata o século XXVII. En América, o Pacífico e parte de Asia poden gozala no seu esplendor, co satélite acadando durante horas un fascinante ton avermellado.
En Europa apenas se puido albiscar, e onde resultou posible, ocultación foi escasa e efémera. É o caso de Galicia, que tivo o ‘privilexio’ desta vez de poder gozala durante apenas uns minutos, antes de que a Lúa marchase baixo o horizonte. E había xente atenta para captar o fenómeno.
É o caso do fotógrafo César Galdo, que desde Valdoviño, apuntando cara ao faro da Punta Frouxeira, seguiu a eclipse parcial ata que a Lúa se ocultou. Foi complicado rexistrar o fenómeno, segundo explica, porque “desde un ángulo tan baixo a calor que desprende a terra e a polución da propia atmosfera difuminan todo o detalle da imaxe, e máis aínda se se usan lentes de tanta focal”.
Ser será a eclipse de lúa máis longa en non sei cantos anos, pero a min calloume a pouco. Ademais, tampouco é que lucise moito, polo menos vista desde Valdoviño. @CeosGalegos @xeocabortegal @OTempoTVG pic.twitter.com/GxPYzY7kqU
— César Galdo (@eirexado) November 19, 2021
