Newcastle University research into 3D vision in praying mantises by Dr. Vivek Nityananda. Pic: Mike Urwin. 151015
Newcastle University research into 3D vision in praying mantises by Dr. Vivek Nityananda.

Científicos británicos deseñaron por primeira vez unhas lentes especiais que confirman que a Mantis religiosa usa unha percepción visual en tres dimensións para cazar con eficacia. Os resultados poderán aplicarse posteriormente en robótica, para deseñar máquinas que poidan ver en 3D. Ata agora, a maioría da visión en 3D que coñeciamos era a dos vertebrados. Aínda que o científico Samuel Rossel xa demostrara na década dos 80 a visión tridimensional das barbantesas a través de prismas, un equipo de científicos da Universidade de Newcastle (Reino Unido) desenvolveu agora unhas lentes que amosan que tamén teñen unha visión por estereopse, é dicir que a partir de dúas imaxes o seu cerebro recompón unha tridimensional.

Para o estudo, os investigadores deseñaron especialmente un cinema xunto a unhas lentes 3D que probaron no insecto. Contrariamente aos humanos, que requiren de lentes vermellas e azuis, as barbantesas necesitan unhas azuis e verdes, xa que estes invertebrados distinguen mal a luz vermella.

Publicidade

A partir de agora, o equipo examinará os algoritmos usados para a percepción da profundidade 3D nos insectos para entender mellor como evolucionou a visión humana e para desenvolver novos modos de integrar tecnoloxía 3D en computadores e robots.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.