Un enorme dragón verde no ceo de Islandia. É o que lograron capturar os fotografos Jingyi Zhang & Wang Zheng a principios de mes durante unha espectacular aurora boreal. Segundo explicou a NASA, que difundiu a imaxe na súa sección APOD, o fenómeno con forma de criatura mitolóxica debeuse a “un buraco na coroa solar, que expulsou partículas cargadas polo vento solar e seguiu cun cambiante campo magnético interplanetario ata a magnetosfera da Terra”.
“Cando algunhas desas partículas chocaron coa atmosfera, excitaron átomos que posteriormente emitiron luz: a aurora”, explican.
Segundo a NASA, a persoa que figura parada na neve ao pé do dragón é a nai do autor da foto, que saíu correndo para admiralo.
E aquí podes ler sobre as auroras boreais en Galicia:
