A NASA mostra un adianto das imaxes do telescopio James Webb

Un dos aparellos do observatorio, o sensor de guía fina, captura unha vista de estrelas e galaxias antes das primeiras fotos oficiais, que se publicarán o próximo 12 de xullo

Imaxe de galaxias e estrelas, previa ao que ofrecerá o James Webb a partir do 12 de xullo. Foto: NASA
Imaxe de galaxias e estrelas, previa ao que ofrecerá o James Webb a partir do 12 de xullo. Foto: NASA

O James Webb é o telescopio máis caro e potente xamais creado. O seu obxectivo é observar o universo como nunca antes, mostrándonos as primeiras galaxias e o posible achado de novos exoplanetas. Despois de moitos aprazamentos, o complexo observatorio lanzouse ao espazo a finais de decembro de 2021. E agora, seis meses despois, está a piques de mostrar as súas primeiras revelacións. O 12 de xullo é data na que se darán a coñecer as súas primeiras fotografías. Porén a NASA, a través da Axencia Espacial Canadense, xa ofreceu un aperitivo. Un dos aparellos do Webb, o sensor de guía fina, foi capaz de capturar unha vista de estrelas e galaxias. A imaxe non deixa de ser un resultado previo do que ofrecerá o gran telescopio.

O obxectivo deste sensor, malia que sempre foi capaz de capturar imaxes, é permitir medicións científicas precisas. Polo tanto, cando saca fotografías non se adoitan gardar. Con todo, durante unha proba de estabilidade en maio, o equipo da Axencia Espacial Canadense —encargada do desenvolvemento do aparello— decidiu conservar as imaxes. O resultado mostra 72 exposicións durante 32 horas e, segundo os científicos do Webb, trátase dunha das imaxes máis profundas do universo xamais tomadas. De todas formas, dende a NASA informan que esta imaxe non foi creada cun obxectivo científico en mente e, polo tanto, algunhas das súas características serán “bastante diferentes” ás que se publicarán o 12 de xullo.

1 comentario

  1. SODES UNHA DAS MELLORES PLATAFORMAS
    NA QUE SE APRENDE,SIN TER MOITA ENSINANZA OU ESTUDOS.
    Meus parabens pa todo o EQUIPO que facedes posible GCiencia,e tamen pos que saen nos artigos,e a Ciencia en xeral,e un pouquiño mais os Galegos.
    Sinto non poder subscribirme polo estado economico,62 coa prestacion SEPE,actual.
    Un Saudo

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.