Únete á nosa canle de Whatsapp
Comeza este fin de semana a saída do confinamento e das medidas extremas ante a pandemia do coronavirus. O proceso terá catro fases e durará entre seis e oito semanas, sempre e cando non se produza un retroceso na evolución favorable da crise. Ademais, estará restrinxida a mobilidade entre provincias. Cada fase durará un mínimo de dúas semanas. O presidente do Goberno, Pedro Sánchez, presentou as medidas, que se concretarán con detalle no BOE.
“A volta á desescalada será gradual e a unidade será a provincia ou a illa”, explicou Sánchez: “Non haberá mobilidade entre provincias e illas ata lograr a normalidade”.
Haberá catro fases e a primeira, chamada ‘fase 0′, é a de preparación, na que xa nos atopamos tras os primeiros permisos para pasear destinados aos menores de 14 anos.
“Na ‘fase 0’ abriranse pequenas físgoas de actividade económica: a apertura de locais con cita previa”, dixo Sánchez, quen puxo como exemplo os restaurantes para recoller comida a domicilio: “Tamén os adestramentos profesionais e individuais”.
“A seguinte fase é a fase 1 ou inicial, permitirá o inicio parcial do pequeno comercio baixo estritas medidas de seguridade, excepto os grandes centros comerciais, onde poden producirse grandes aglomeracións”. Engadiu que na fase 1 comezarán a abrir os hoteis e aloxamentos turísticos, “excluíndo zonas comúns”. Ademais, haberá un “horario preferente para os maiores de 65 anos” nos comercios de proximidade. Tamén volverán de xeito tímido os deportes profesionais, permitindo o adestramento en ligas profesionais. No transporte público, o uso da máscara estará altamente recomendado”.
“A finais de xuño estaremos na nova normalidade”, dixo o presidente
“Na fase dúas abrirase o espazo interior dos locais de restauración para o servizo de mesas. Establecemos algunhas excepcións para reabrir centros educativos con tres propósitos: actividades de reforzo, garantir que os nenos menores de seis anos poidan acudir aos centros se os pais teñen que acudir a traballar e para realizar a EBAU [selectividade]”, explicou Sánchez.
Ademais, engadiu o presidente do Goberno: “Poderanse realizar actos culturais con menos de 50 persoas en lugares de aforo, e ao aire libre terá que ser con menos de 400 persoas a condición de que estean sentadas”.
A fase terceira é a fase avanzada: unha vez que se cumpran os marcadores requiridos, limitaranse as restricións de mobilidade. Sánchez engadiu: “En restauración limitaranse algo máis as restricións de aforo, pero con estrita separación entre o público”.
Cada unha das fases estár separada por dúas semanas, porque é o tempo de incubación do coronavirus e permitirá monitorar se se está a producir unha escalada de casos que teña que cortar ou reverter a apertura. Con estes cálculos, Sánchez explicou que a volta ‘á nova normalidade’ durará entre seis semanas e dous meses. “A finais de xuño estaremos na nova normalidade”, concluíu o presidente do Goberno.
Hola! Tengo a mi padre con 72 y está solo y en otra provincia a 120 km de mi. A quién tengo que pedir permiso para ir a cuidarlo si le da ácido úrico o una lumbalgia que es lo habitual? Graciasss
Tengo un viaje a Cádiz el 11 de junio y el billete de avión ya quitado hace 5 meses, podré realizar dicho Viaje?. Gracias.
La circulación entre localidades? El uso del veviculo? A quién tengo que pedir permiso si un familiar que vive solo en un pueblo de otra provincia y tiene 92 años se pone enfermo y tengo qye ir a junto de él? Es un tío nuestro y somos su única familia.