A borrasca Alex deixou a 2 de outubro as primeiras imaxes de neve deste outono en Galicia. A baixada das temperaturas (as estacións na Veiga, Carballeda de Valdeorras, Manzaneda ou Cervantes caeron por baixo dos 0ºC durante a mañá do venres) e as abundantes precipitacións asociadas á borrasca provocaron que se tinguira de blanco a paisaxe. Así o amosou MeteoGalicia mediante a cámara instalada na estación dos Ancares, preto do albergue de montaña, a uns 1.364 metros de altitude.
Aí temos a primeira nevada ❄️desta nova tempada outono-inverno en #Galicia, mostrada pola cámara web da estación de #Ancares. Tras o paso da fronte fría tan activa, que atravesou #Galicia a pasada noite, a masa de aire é máis fría que a que tiñamos onte, temperaturas 📉🥶 pic.twitter.com/GCIoAFijPu
— MeteoGalicia (@MeteoGalicia) October 2, 2020
A neve tamén chegou á montaña de Trevinca e Valdeorras, onde se chegou a cortar a OU-122 á altura de Sobradelo, en Carballeda, preto do límite con Castilla y León.
Patrullas Destacamento de O Barco regulando la circulación en la zona y la quitanieves movilizada. pic.twitter.com/8HktyA9jY4
— Emerxencias Ourense (@EmerxenciasOu) October 2, 2020
Alerta laranxa
Ademais da neve, as precipitacións e o vento están sendo moi abundantes, superando os 50 litros por metro cadrado en Ortigueira, Abadín, Vilariño de Conso ou Cervantes, e con refachos de máis de 135 km/h na serra do Xistral, en Muras.
A situación levou á Dirección Xeral de Emerxencias a decretar a alerta laranxa en todo o litoral galego por mar combinada do noroeste con ondas de ata 7 metros.