A cifra de falecidos diarios en España cae ata 410. Segundo o último balance do Ministerio de Sanidade, 20.453 morreron desde o inicio da pandemia, mentres que 195.944 se contaxiaron e 77.357 están curados. Sanidade continúa actualizando os datos da serie histórica, despois de que o Goberno dese orde ás comunidades autónomas para homoxeneizar o xeito no que estas transmiten as cifras.
Ata o de agora, a pandemia cobrouse a vida de máis de 160.000 persoas no mundo e contaxiáronse 2,3 millóns, segundo a Universidade Johns Hopkins.
O Ministerio de Saúde de China confirmou este domingo que se rexistraron 16 novos casos de coronavirus, nove deles importados do estranxeiro e, dos casos de transmisión local, seis producíronse na provincia de Heilongjiang e un en Guangdong. Durante o sábado, non se produciu ningunha morte a causa do coronavirus, polo que o número de falecidos por esta causa se mantivo en 4.632. Ata o momento, os casos confirmados de Covid-19 na China continental foron 82.735.
O número de falecidos por coronavirus nos Estados Unidos sitúase en 38.664 persoas ata este sábado, tras aumentar en 1.891 mortos nas últimas 24 horas, segundo un balance da Universidade Johns Hopkins. O país rexistrou un total de 732.197 casos confirmados de Covid-19 desde o inicio da pandemia, de acordo con esta fonte. Os EUA teñen o maior número de casos e falecidos en todo o mundo.
Brasil aproxímase aos 40.000 casos e suma xa 2.347 mortes. As autoridades brasileiras informaron este sábado de 2.917 contagios e 206 falecidos nas últimas 24 horas, co que o país, o máis afectado de América Latina, suma xa 36.599 positivos e 2.347 falecidos.
O gobernador de Nova York, Andrew Cuomo, confirmou que 540 persoas faleceron durante as últimas horas no Estado polo coronavirus, que ademais deixou outras 2.000 hospitalizacións máis desde o pasado venres.
Aquí podes consultar os últimos datos do Ministerio de Sanidade