Un total de 29 persoas faleceron por coronavirus en Galicia nas últimas 24 horas, segundo os datos facilitados pola Consellería de Sanidade este sábado, que sinalan o maior número de mortes nunha xornada desde que a Xunta empezou a incluír no cómputo global aos óbitos das residencias.
En total perderon a vida pola pandemia en Galicia 347 persoas, o que supón 13 decesos por cada 100.000 habitantes, fronte aos 35 da media española. Segue reducíndose a cantidade de pacientes ingresados nos hospitais mentres o ritmo de aumento dos contaxios mantense nos niveis máis baixos das últimas semanas.
Nos hospitais galegos están ingresados 859 pacientes polo novo coronavirus, dos que 143 permanecen nas UCIs e 716 nas plantas convencionais. En sete días o número de internados reduciuse nun 20%.
Dezaseis dos 29 novos falecidos vivían en residencias sociosanitarias, ás que corresponden 141 dos mortos pola pandemia en Galicia, o 41% do total.
En total en Galicia hai 7.176 persoas infectadas polo novo coronavirus, 230 máis que a véspera, cun incremento do 3,2%. ESe se desconta a ese total as 347 mortes e as 1.082 altas obtense o número de 5.747 casos activos en Galicia.
Es una pena lamentar los decesos por este virus. Galicia lleva adelante una lucha ardua en la que debe participar cada ciudadano con la observación de los protocolos sanitarios. Valoro este artídulo de muy elevado valor porque contribuye a alertar y orientar a todos. Gracias renovadas. Roberto Vázquez