O teu reloxo intelixente marca cantos pasos das ao día, cantas horas dormes e se estás ou non estresada en función da túa frecuencia cardíaca. Pero estes datos, que aparentemente son de uso persoal, poden servir para a ciencia. É dicir, para monitorizar a saúde da poboación, mellorar a prevención e, tamén, o diagnóstico precoz. Isto é unha das liñas que investiga Patricia Concheiro no CITIC, unha das protagonistas do sétimo episodio de O Descodificador. Xunto ao seu compañeiro Diego Álvarez, enfocado na medicina do sono, abordaremos as aplicacións biomédicas da intelixencia artificial e como todas estas ferramentas e dispositivos wearables que usamos no noso día a día poden mellorar a calidade de vida da cidadanía.
Episodio realizado por Laura Filloy
Edición: Carlos Tresandí
Escoita O Descodificador nas plataformas de pódcast: Spreaker, Spotify, Ivoox, iHeart, Deezer, Podcast Addict, JioSaavn e Podchaser.
