Vigo celebra a Semana da Ciencia con obradoiros e charlas

Vigo sae á rúa para celebrar dende este xoves a Semana da Ciencia, cunha serie de obradoiros científicos e conferencias, que terán lugar no museo MARCO da cidade, na rúa do Príncipe da cidade olívida, nunha actividade organizada polo Concello coa colaboración de GCiencia.

As actividades da Semana da Ciencia comezarán ás 10 da mañá deste xoves 29 de novembro, cos obradoiros escolares sobre a ciencia das illas Cíes, con seis postos nos que profesionais da bioloxía e das ciencias mariñas amosarán aos estudantes de Primaria fenómenos como o afloramento, que garante a riqueza das rías galegas; a diversidade especies mariñas; os sistemas ecolóxicos; ou a importancia de que aves mariñas como as gaivotas teñen para a riqueza natural do noso mar.

Publicidade

Ademais, dos obradoiros, os escolares vigueses disfrutarán de vídeos divulgativos comentados polo biólogo Manuel Garci, do Instituto de Investigacións Mariñas de Vigo (CSIC).

Estes obradoiros de mañá, nos que participarán preto de douscentos escolares de Vigo, van repetirse tamén o venres.

Publicidade

Pola tarde, chegarán as actividades dirixidas ao público en xeral, con senllas conferencias. Este xoves, a charla correrá a cargo do químico Antón Salgado, da Universidade de Vigo, que falará sobre “O fenómeno do afloramento costeiro”, a partir das 20.00 horas, no auditorio do Museo Marco, con entrada libre e gratuita ata completar o aforo.

O venres, a conferencia será do biólogo Francisco Rodríguez, do Instituto Español de Oceanografía (IEO), baixo o título: “Un mar de cores para o Nautilus”, no que os asistentes poderán ver in situ o espectáculo das algas bioluminiscentes. Será tamén ás 20.00 horas con entrada libre e gratuita.

Con estas actividades, o Concello de Vigo celebra a Semana da Ciencia, en colaboración co GCiencia, achegando a importancia da investigación a públicos diversos.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Do lixo ao fertilizante: a segunda vida dos residuos orgánicos en Vigo

O contedor marrón, impulsado polo Concello e FCC Medio Ambiente, permite separar os restos para transformalos en compost

GCiencia lanza sete pezas audiovisuais para divulgar sobre ciencia e igualdade

O proxecto, en colaboración co Concello de Pontevedra, difundirase a través de Instagram e Tiktok para poñer en valor mulleres científicas que loitaron contra os nesgos de xénero e raza

Guía para reciclar en Vigo: que vai en cada contedor e que non?

A cidade conta con sete contedores para separar vidro, papel e cartón, envases, materia orgánica e outros residuos

Que facer cos residuos orgánicos? Así funciona o contedor marrón de Vigo

O Concello, en colaboración con FCC Medio Ambiente, impulsa a separación do lixo para transformalo nun fertilizante natural