Xa está na final das finais. Porque a bióloga coruñesa Alba Aguión conseguíu onte impoñerse nas semifinais que se disputan no Energy Arena de Cheltenham, no Reino Unido. A gañadora do Famelab en España, o concurso de monólogos científicos máis importante do mundo, terá esta noite, a partires das 20.30 horas, a oportunidade de loitar polo título mundial. Exipto, Australia, Grecia, Estados Unidos, Reino Unido, Suráfrica, Italia, CAtar, Malasia, Polonia e Chipre serán os seus rivais.
Alba Aguión, de 26 anos, é colaboradora de GCiencia, con artigos na bitácora ‘Ecoloxía Azul’. Famelab é un concurso internacional que pretende fomentar a divulgación científica a través de monólogos e que cultivou un gran éxito nos últimos anos, xa que desde 2007 celébrase en 25 países do mundo coa participación de máis 5.000 investigadores.
Aquí tes unha entrevista en GCiencia con Alba Aguión, cando se clasificou para a final española.
Aquí podes ver en directo en streaming a final do Famelab Internacional dende Chestelham, desde as 20.30 horas do 9 de xuño de 2016: