A lúa chea é un dos fenómenos máis fascinantes que podemos observar dende a Terra sen dificultades. A próxima terá lugar este xoves Santo, ás 06:37 hora peninsular, e se poderá ver ata o venres. Recibe o nome de “Lúa rosa”, sen embargo, non ten que ver coa súa cor xa que a súa apariencia será a habitual. A denominación débese á flor da primavera, coñecida como phlox musgoso ou phlox silvestre. Estas flores son orixinarias de América do Norte e florecen neste mes, coincidindo coa lúa chea.
Como é habitual, dependendo da rexión existen outras acepcións para denominar á lúa deste mes: Lúa de espertar, Lúa de xeo rompendo, Lúa en ciernes ou Lúa de ovo. Segundo o Centro de Estudos americanos, indíxenas da Rexión dos Grandes Lagos denomínana como Popogami Giizis ou Broken Snowshoe Moon (Lúa con raquetas de neve rotas).
Na costa oeste de América algúns nativos tamén a chamaban Lúa dos salmóns, xa que é a época cando estes peixes nadan río arriba para poñer os seus ovos. En China coñécese como Lúa de peixe. Tamén, a lúa chea de abril recibe o nome de Lúa de Pascua pola súa relación coa celebración relixiosa, como é no caso da Península.
Onde ver a lúa?
En primeiro lugar, é importante contar cunhas boas condicións atmosféricas. Neste caso, Semana Santa brindará bo tempo en Galicia, así que poderase apreciar sen dificultade. O máis aconsellable é acudir a un entorno sen contaminación lumínica e cos ollos acostumados media hora á escuridade. Aínda que non sexa rosa, a lúa será brillante. Co cal, pódese aproveitar a oportunidade para tomar grandes fotografías. O emprego de telescopio facilitará a vista máis detallada da Lúa.
Tras a Lúa rosa, a próxima ocurrirá o 5 de maio, chamada Lúa de plantación de millo ou Lúa de leite, que se moverá ata a sombra exterior da Terra dando lugar a un eclipse luar.
