A misión espacial Europa Clipper viaxará á Lúa de Xúpiter en outubro de 2024. Neste contexto, a NASA lanza unha plataforma na que os usuarios poden rexistrar o seu nome nunha campaña chamada ‘Mensaxe nunha botella‘. Esta nota viaxará nunha astronave percorrendo miles de millóns de kilómetros e incluirá os nomes das persoas e un poema orixinal da poeta estadounidense Ada Limón adicado á misión. Esta viaxe espacial investigará se o océano que se cre que xace baixo a cortiza de Europa —así se chama a Lúa— pode albergar vida.
Esta campaña segue a longa tradición da NASA de enviar mensaxes inspiradoras a bordo das súas misións. Segundo explica Nicola Fox, administradora asociada da Dirección de Misións Científicas da NASA en Washington, “o novo sitio web axudará á NASA a compartir a oportunidade de formar parte da viaxe de Europa Clipper con aínda máis xente de todo o mundo”. Dende a axencia pretenden chegar ao maior número de persoas e que os seus recursos sexan accesibles para calquera que desexe aprender máis e participar nas misións espaciais. Axudan a “descubrir mundos habitables máis aló do noso planeta” xa que “é un importante paso adiante para facer que o espazo sexa realmente para todos”, engaden.
O sitio web tamén permite aos participantes crear e descargar un recordo personalizado. Trátase dunha ilustración de cada nome nunha mensaxe nunha botella cunha imaxe de fondo de Europa e Xúpiter. Ca fin de achegar a NASA a todo o mundo, anímase aos participantes a compartilo en redes co cancelo #Sendyourname (‘envía o teu nome’ en galego).
A misión está sendo preparada para levarse a cabo en outubro de 2024. A nave está sendo ensamblada no Laboratorio de Propulsión a Chorro (JPL, polas súas siglas en inglés) da NASA. A aeronave, que se lanzará desde Cabo Cañaveral (Florida), percorrerá 2.600 millóns de quilómetros (1.800 millóns de millas) para chegar ao sistema de Xúpiter, que alcanzará en 2030. Mentres orbite Xúpiter e sobrevoe Europa unhas 50 veces, percorrerá outros 800.000 quilómetros mentres os seus instrumentos científicos recompilarán datos sobre o océano subterráneo, a cortiza de xeo e a atmosfera da Lúa.
Para poder aprender máis sobre a misión, Ada Limón visitou en xaneiro a nave espacial. A laureada poeta compuxo unha peza orixinal que podes ler na páxina web da NASA en español. A tradución estivo a cargo do poeta e tradutor portorriqueño Roque Raquel Rivera. Nesta ligazón podes inscribir o teu nome antes do 31 de decembro e ler a peza completa de Limón.
Eu sempre tiven claro que tén que haber vida alén do noso planeta .
Agora xa iso vén sendo máis aceptado por mor dos múltiples avistamentos que se veñen sucedendo dende hai máis de corenta anos .
O asunto e que desde aqui sexamos capaces de descubrila .