Explicación: que está a pasar na parte superior do Sol? A semana pasada, certas partes do hemisferio sur da Terra foron obsequiadas cunha eclipse solar parcial, cando a Lúa tapa parte do Sol. A imaxe publicada foi tirada cara o final da eclipse desde a costa de Uruguai mirando por riba de Buenos Aires na Arxentina. O faro que adorna a illa Farallón pode verse no primeiro plano e hai un avión xusto á esquerda do Sol. Realmente a imaxe é unha combinación dixital de dúas exposicións consecutivas tomadas coa mesma cámara usando a mesma configuración; unha tomada para a paisaxe e outra do Sol ao fondo. A vindeira eclipse solar visible na Terra será outra eclipse parcial que ocorrerá a mediados de xullo e que se contemplará desde partes da Australia meridional que inclúe Tasmania.
