Explicación: que son eses aneis cheos de cor ao redor da Lúa? Unha coroa. Os aneis coma este aparecerán ás veces cando ollamos á Lúa entre nubes finas. O efecto é creado pola difracción mecano-cuántica da luz ao redor de pingas de auga individuais de tamaño parecido no interior dunha nube interposta pero case transparente. Como a luz de diferentes cores ten lonxitudes de onda diferentes, cada cor difracta de xeito diferenciado. As coroas lunares son un dos poucos efectos de cor puramente mecano-cuánticos que se poden ollar de xeito sinxelo a simple vista. A coroa lunar publicada foi captada ao redor dunha Lúa de Fresa o 2 de xuño desde La Plata (Arxentina). Coroas parecidas que se forman ao redor do Sol son normalmente máis difíciles de ollar debido ao gran brillo solar.
Unha coroa lunar chea de cor
