Explicación: unha cousa rara sobre o grupo de luces preto do centro é que as catro son o mesmo quásar afastado. Isto débese a que a galaxia en primeiro plano, no centro das imaxes do quásar e da imaxe publicada, está a actuar coma unha lente gravitacional variable. Unha cousa aínda quixais máis rara é que ao ollar estes quásares do fondo escintilar, podes estimar a velocidade de expansión do universo. Iso débese a que o tempo de escintileo aumenda cando a velocidade de expansión medra. Pero para algúns astrónomos a cousa máis rara de todas é que estes quásares fotografados de xeito múltiplo indican un universo a expandirse un chisco máis rápido do que se estimara por diferentes métodos aplicados ao universo temperán. E iso é porque… ben, ninguén o sabe de certo. As razóns poderían incluír unha distribución estraña de materia escura, algún efecto descoñecido de gravidade ou algo completamente diferente. Quizais observacións e análises futuras desta e simaxes de quásares aumentadas de xeito semellante eliminarán estas estrañezas..
