Explicación: é unha nave espacial ou unha nube? Aínda que poida parecerse a unha nave nodriza alieníxena, realmente é unha impresionante nube de tormenta denominada unha súper-celula. Tales sistemas de enormes tormentas móvense cara o centro de mesociclóns; correntes de aire ascendente en rotación que poden abarcar varios quilómetros e ceibar choiva torrencial e ventos elevados que inclúen tornados. As nubes esculpidas e dentadas adornan o bordo da súper-célula, mentres o vento que varre o po maila choiva dominan o centro. Unha árbore agarda con paciencia no primeiro plano. A nube de súper-célula superior fotografouse en xullo de 2010 ao oeste de Glasgow, (Montana, EUA), provocando danos menores e durou varias horas antes de marchar.
