Explicación: o 18 de setembro, o Sol poñéndose alumeou ámbalas dúas beiras do canón elevado de ladrillos e aceiro coñecido noutrora coma avenida Jasper no centro de Edmonton, Alberta (Canadá, planeta Terra). O aliñamento ao estilo Stonehenge captouse desde o medio da estrada nesta encantadora instantánea. As rúas de Edmonton repousan sobre unha grella orientada case ao longo das direccións cardinais, polo que os aliñamentos nos solpores (e menceres) de Edmonton ocorren ao longo das rúas que van case do leste ao oeste dúas veces por ano, preto do equinoccio. De feito, no último de xoves o Sol cruzou o ecuador celeste ás 14:21 TU e neste día o Sol sairá xusto polo leste e porase xusto polo oeste, dando aproximadamente o mesmo número de horas de luz que de escuridade aos cidadáns do planeta Terra. O equinoccio de setembro marca o comezo astronómico do outono no hemisferio norte e a primavera no sur.
