Explicación: os observadores telescópicos da Terra foron agasallados recentemente con vistas espectaculares de Saturno mentres o planeta anelado acadaba a súa oposición o 23 de maio de 2015 ás 02:00 TU. Por suposto, oposición significa oposto ao Sol no ceo da Terra. Así que, preto da oposición, Saturno está no alto toda a noite, no seu intre máis achegado e brillante do ano. Estas imaxes definidas tiradas durante horas do aliñamento Sol-Terra-Saturno tamén amosan o potente brillo dos aneis de Saturno ou o efecto Seeliger mentres a oposición aumenta de súpeto. As partículas xeadas dos aneis, alumeadas directamente, non amosan sombras e difunden a luz solar directamente cara a Terra, creando un aumento espectacular e repentino do brillo. Actualmente Saturno fica no ceo non lonxe da brillante Antares, a estrela alfa da constelación Sagittarius.
Saturno en oposición
