Explicación: como se formaron estas rochas marcianas? Mentres o todoterreo automático Curiosity chegaba aos outeiros Pahrump de Marte, ollou unha paisaxe interesante e cun relevo punteado con algunhas pedras estrañas. A imaxe presente amosa un croio curiosamente redondo cuns dous centímetros de diámetro. Aparentemente, unha versión máis grande das numerosas esférulas alcumadas arandos que atopou o todoterreo Opportunity en Marte en 2004; o que provocou esta redondez fica descoñecido. As posibilidades inclúen frecuentes rolos por fluxos de auga, pedras fundidas esparexidas nunha erupción volcánica ou un mecanismo de concreción. A imaxe inserida, tirada uns poucos días máis tarde, amosa outra estrutura rochosa pequena pero de forma estraña. Mentres o Curiosity roda ao redor e cara arriba do Monte Sharp, fotografaranse e estudaranse mellor as diferentes capas da paisaxe para comprender a historia antiga da rexión e investigar se Marte puido algunha vez ter albergado vida.
