Explicación: este primeiro plano telescópico fachendea da tenue nebulosa de emisión IC 410. Tamén amosa dous habitantes destacados da poza cósmica de gas e po que está por baixo e á dereita do centro, os cágados de IC 410. A nebulosa, parcialmente escurecida polo po do primeiro plano, arrodea a NGC 1893, un novo cúmulo galáctico de estrelas. Formado na nube interestelar hai tan só 4 millóns de anos, as estrelas brillantes e intensamente quentes do cúmulo potencian o gas brillante. Os cágados, compostos de gas máis denso e frío, teñen uns 10 anos luz de lonxitude e probablemente son lugares de formación estelar en proceso. As súas cabezas, esculpidas polos ventos e radiación procedente das estrelas do cúmulo, están perfiladas polas cristas brillantes de gas ionizado mentres as súas colas se arrastran cara fóra da rexión central do cúmulo. IC 410 está a uns 10.000 anos luz de distancia, cara a constelación, rica en nebulosas, de Auriga.
Os cágados de IC 410
