Sábado 2 Marzo 2024

O Sol en raios X desde o NuSTAR

O Sol en raios X desde o NuSTAR
Créditos da imaxe: NuSTAR, SDO, NASA.

Explicación: por que as rexións por riba das manchas solares están tan quentes? As propias manchas solares están un chisco máis frías que a superficie solar que as arrodea porque os campos magnéticos que as crean reducen o quecemento convectivo. Polo tanto é estraño que rexións por riba, incluso moito máis elevadas que a coroa do Sol, podan estar centos de veces máis quentes. Para axudar a atopar a causa, a NASA dirixiu o satélite Nuclear Spectroscopic Telescope Array (NuSTAR) que orbita a Terra para apuntar o seu telescopio moi sensible en raios X cara o Sol. Enriba amósase o Sol en luz ultravioleta, representado nunha cor azul ao igual que o fai o Solar Dynamics Observatory (SDO) en órbita. Superponse en cores falsas verde e azul as emisións por riba das manchas solares detectadas polo NuSTAR en franxas diferentes de raios X, de enerxías elevadas, salientando as rexións de temperatura extremadamente alta. Os indicios sobre os mecanismos de quecemento atmosférico do Sol poden non vir só desta imaxe inicial senón tamén de imaxes futuras do NuSTAR destinadas a atopar hipotéticas nanolabaradas, breves estoupidos de enerxía que poden dirixir o estraño quecemento.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural

A Lúa non ten ceo

https://theconversation.com/javascripts/lib/content_tracker_hook.js *Un artigo de “E se estivésemos equivocados? E se a Terra...

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

A NASA detecta un enorme burato no Sol

O Observatorio de Dinámica Solar capta un vídeo do fenómeno e prognostica unha tormenta xeomagnética nos vindeiros días