O grupo de manchas solares AR 2129 estala

Créditos da imaxe: Solar Dynamics Observatory, NASA. Explicación: un dos grupos de manchas solares máis grandes dos anos recentes está agora a cruzar o Sol. A etiquetada Rexión Activa 2192 xa ceibou unha potente labarada solar e ten o potencial de producir máis. O vídeo publicado amosa unha secuencia do Sol en luz visible e ultravioleta tomada onte e incorporada ás anteriores 48 horas. AR 2192, rotando desde a esquerda, rivaliza con Xúpiter en tamaño e literalmente está a estralar en enerxía magnética. O activo Sol provocou algunhas auroras espectaculares en días recentes e as partículas enerxéticas orixinadas desde AR 2192 poden axudar a que continúen a semana vindeira. Mañá, o Sol aparecerá estraño aínda máis por outra razón: unha eclipse parcial de Sol será visible antes do solpor desde gran parte de Norteamérica.