Explicación: o Telescopio esférico de cinco centos metros de apertura (FAST) está aloxado nunha badía natural na remota provincia Guizhou ao suroeste montañoso de China. Alcumado Tianyan ou o Ollo do Ceo, o novo radiotelescopio óllase nesta fotogafía tirada preto do comezo da súa fase de proba de operacións o 25 de setembro. Deseñado cunha superficie activa para o apuntado e o enfoque, a súa enorme antena de plato está construída con 4.450 paneis individuais de forma triangular. O diámetro de 500 metros físicos da parabólica convirte ao FAST no meirande radiotelescopio de plato único do planeta Terra. O FAST explorará o Universo en radiofrecuencias, detectando a emisión do gas hidróxeno na Vía Láctea e galaxias afastadas, atopando púlsares febles galácticos epescudando radiosinais potencialmente extraterrestres.
