Explicación: o cometa Linear chegou a ser abraiantemente brillante. O cometa, descuberto en 2000, sufriu un estourido que o fixo 100 veces máis brillante xusto unha semana antes cando pasou a só 14 distancias lunares da Terra, a finais do mes pasado. O cometa foi captado aquí a semana pasada cunha magnitude de 6; xusto brillante abondo para ser visto a ollo ceibe; pasando por diante do afastado cúmulo globular de estrelas M14. O cometa 252/P LINEAR é un dun grupo estraño de cometas que van e veñen entre a Terra e Xúpiter cada 5 anos. Descoñécese como evolucionará o cometa a partires de aquí, pero segue a haber grandes esperanzas de que fique coma un bo obxectivo para os binoculares dos ceos setentrionais durante a próxima ou dúas próximas semanas.
