Explicación: fitando aos ceos, unha das moitas lagoas do salar de Atacama reflicte calma un ceo nocturno estrelecido preto de San Pedro de Atacama, Chile (planeta Terra). As fendas cósmicas de po, as nubes de estrelas e as nebulosas da Vía Láctea central están a erguerse no leste, máis alá un horizonte volcánico. Os planetas Xúpiter e Marte, captados nas seis imaxes da panorámica rexistrada de vagar nas horas da madrugada do 15 de xaneiro, están achegados. Os brillantes planetas, preto da eclíptica, están mergullados na franxa visible de luz zodiacal do Sistema Solar que se estrica cara arriba e á esquerda do centro galáctico. Por riba do horizonte e cara o sur (dereita), están as nubes de Magallanes Grande e Pequena, galaxias satélite da Vía Láctea.
Xira galega con charlas de astronomía e moito máis coas mellores imaxes do ano pasado.
