Explicación: ás veces o ceo convértese nun auténtico espectáculo por riba nosa. Así, a comezos de setembro de 2010, a Lúa e Venus converxían, creando unha excelente visión de si mesmos para os afeccionados ao ceo de todo o mundo. Aínda que nalgures o ceo era incluso máis pintoresco. Na imaxe publicada, que se tirou en España, unha Lúa crecente e o planeta Venus, na parte dereita, foron capturados durante o solpor posando contra un ceo azul escuro. No primeiro plano, as escuras nubes de tormenta ameazan cruzar na parte baixa da imaxe, mentres que un cumulonimbus aparece por riba. Pintas negras zarrapican a imaxe, provocadas por unha bandada de paxaros en voo. Porén, nada máis tirar esta fotografía os paxaros marcharon, a tormenta rematou e Venus maila Lúa se puxeron. O brillante Venus pode verse de novo tralo solpor neste mes (marzo de 2018) e aparecerá bastante preto de Mercurio pola noite e no resto da semana.
