Explicación: axiña xurdiu desde a escuridade ata ser unha das estrelas máis brillantes de Sagittarius; pero estase a apagar. Chamada Nova Sagittarii 2015 Nº 2, esta explosión estelar é a nova visible máis brillante desde a Terra de todo o ano. A imaxe publicada captouse hai catro días desde Ranikhet, no Himalaya da India. Varias estrelas ao oeste de Sagittarius crean un asterismo coñecido coma a Teteira e a nova, sinalada pola frecha, aparece agora coma un novo emblema no lateral do pote. Desde hai catro noites, a Nova Sag atenuouse desde máis brillante ca unha magnitude visual 5 ata o límite da visibilidade a simple vista. Aínda así, a nova debería ser facilmente localizable con prismáticos en ceos escuros antes do mencer durante a vindeira semana.
Nova Sagittarii 2015 Nº 2 a simple vista
