Explicación: quizais as nebulosas sexan tan famosas por se identificaren con formas familiares como o son os gatos por se meteren en leas. Con todo, non se sabe de gato ningún que puidera ter creado a enorme nebulosa Gadoupa de Gato que se pode ollar en Scorpius. A Gadoupa de Gato, a 5 500 anos luz de distancia, é unha nebulosa de emisión cunha cor vermella que se orixina a partires da abundancia de átomos de hidróxeno ionizado. Coñecida tamén coma a nebulosa Pouta de Oso ou NGC 6334, as estrelas teñen máis ou menos dez veces a masa do noso Sol e naceron aí nos últimos poucos millóns de anos. A fotografía superior é unha imaxe de ceo profundo da nebulosa Gadoupa de Gato na luz emitida polo hidróxeno, o osíxeno mailo xofre.
