Explicación: NGC 1309, unha excepcional galaxia espiral a uns 100 millóns de anos luz de distancia, atópase nos bancos da constelación do Río (Eridanus). NGC 1309 abarca uns 30.000 anos luz, facendo que teña aproximadamente un terzo do tamaño da nosa máis grande galaxia Vía Láctea. Pode ollarse coma os cúmulos azulados de estrelas novas e corredores de po perfilan os brazos espirais de NGC 1309 mentres xiran ao redor dunha poboación de estrelas amareladas máis vellas no seu núcleo. Non se trata só doutra fermosa galaxia espiral ollada de fronte; as observacións dunha supernova recente en NGC 1309 e de estrelas variables cefeidas contribúen á calibración da expansión do Universo. Así e todo, despois de que te sobrepoñas a este fermoso gran deseño de galaxia, comproba o conxunto de galaxia máis afastadas do fondo tamén rexistradas nesta imaxe do Telescopio Espacial Hubble definida e reprocesada.