Explicación: que alimenta á nebulosa Corazón? A gran nebulosa de emisión denominada IC 1805 semella, en conxunto, a un corazón. O brillo da nebulosa, así coma a forma do gas e as nubes de po, están alimentado polos ventos estelares e a radiación procedentes das estrelas quentes masivas do cúmulo de estrelas recén nacidas do cúmulo Melotte 15. Esta fonda imaxe telescópica rexistra a penetrante luz das liñas estreitas de emisión dos átomos de hidróxeno, osíxeno e xofre da nebulosa. O campo de visión abarca uns dous graos no ceo, polo que semella máis grande ca catro veces o diámetro dunha lúa chea. O corazón cósmico atópase na constelación de Cassiopeia, a fachendosa e mítica raíña de Etiopía.
GCiencia realiza unha reserva expresa das reproducións e usos das obras e outras prestacións accesibles desde este sitio web a medios de lectura mecánica ou outros medios que resulten adecuados a tal fin de conformidade co artigo 67.3 da Real Decreto - lei 24/2021, do 2 de novembro // Auditado por GFK
