Explicación: a nebulosa Cabeza de Cabalo Azul semella bastante diferente en luz infravermella. En luz visible, o po reflectante da nebulosa semella azul e coa forma parecida á cabeza dun cabalo. Porén, en luz infravermella xorde un labirinto complexo de filamentos, cavernas e casulos de po e gas brillantes, facendo así difícil identificar a icona equina. A imaxe publicada da nebulosa creouse en tres cores infrevemellas (R=22, G=12, B=4,6 micras) a partires de datos tirados pola sonda espacial Wide Field Infrared Survey Explorer (WISE ou Explorador de Sondaxe en Infravermellos de Campo Amplo) en órbita da NASA. A nebulosa está catalogada coma IC 4592 e abarca uns 40 anos luz, localizada a uns 400 anos luz de distancia cara a constelación Escorpión ao longo do plano da nosa galaxia Vía Láctea. IC 4592 é máis tenue pero cobre unha rexión angular máis grande que a máis coñecida nebulosa Cabeza de Cabalo de Orión. A estrela que alumea e quece o po principalmente é Nu Scorpii, visible coma a estrela amarela á esquerda do centro.
