Explicación: as nubes cósmicas forman formas de fantasía nas zonas centrais da nebulosa de emisión IC 1805. As nubes son esculpidas polos ventos e a radiación estelares procedentes das estrelas quentes e masivas con Melotte 15, o cúmulo de estrelas acabadas de nacer, no interior da nebulosa. As estrelas do cúmulo, cuns 1,5 millóns de anos de idade, esparéxense por esta paisaxe celeste chea de cor, xunto con nubes de po escuro perfiladas contra o brillante gas atómico. A vista, unha composición de imaxes telescópicas de banda estreita e ampla, abarca uns 15 anos luz e inclúe a emisión dos átomos ionizados de hidróxeno, xofre e osíxeno que se representan nas cores verde, vermella e azul da popular paleta do Hubble. As imaxes de campo máis amplo desvelan que o perfil global e máis sinxelo de IC 1805 apunta ao seu nome popular: a nebulosa Corazón. IC 1805 atópase a uns 7 500 anos luz de distancia cara á fachendosa constelación de Cassiopeia.
