Explicación: as nubes cósmicas configuran formas fantásticas nas zonas centrais da nebulosa de emisión IC 1805. As nubes son esculpidas polos ventos e as radiacións estelares procedentes das estrelas masivas e quentes do cúmulo de estrelas recén nadas da nebulosa, Melotte 15. Cunha idade xuvenil de 1,5 millóns de anos, o cúmulo de estrelas está na zona dereita desta colorida paisaxe celeste, xunto con escuras nubes de po perfiladas contra o brillantes gas atómico. A vista, unha composición de imaxes telescópicas de banda estreita e ancha, abarca uns 30 anos luz e inclúe a emisión do átomos de osíxeno, xofre e hidróxeno ionizados, cartografados coas cores azul, vermello e verde da popular paleta Hubble. As imaxes de campo máis amplo desvelan que a contorna xeral de IC 1805, máis sinxela, suxire o seu nome popular: a Nebulosa Corazón. IC 1805 sitúase a uns 7.500 anos luz de distancia cara a fachendosa constelación de Cassiopeia.
