Explicación: Marte, Antares, a Lúa e Saturno son as almenaras celestes máis brillantes deste ceo sereno. A luz dourada do Sol aínda se esparexe ao longo do horizonte sudoccidental, captado tralo solpor do 28 de setembro. A reunión do serán dos planetas errantes maila Lúa xunto coa brillante estrela que se olla coma unha igual a Marte e o Corazón do Escorpión puideron gozarse ao redor do planeta Terra. Pero desde a perspectiva do fotógrafo mirando polas augas calmas do lago Balaton (Hungría), recibiu a unión dunha luz máis terrenal do mastro do veleiro. A luz do mastro, a estrela brillante, os planetas e a Lúa están todos a posar preto do plano da eclíptica.
