Explicación: que lle está a acontecer ao centro da galaxia espiral M106? A aparencia de M106, un disco xiratorio de estrelas e gas, está dominada por brazos espirais azuis e corredores vermellos de po preto do núcleo, como amosa a imaxe publicada. O núcleo de M106 brilla con intensidade en ondas de radio e raios X nos que se atoparon chorros xemelgos percorrendo a lonxitude da galaxia. Un estraño brillo central fai de M106 un dos exemplos máis achegados das galaxias de clase Seyfert, nas que se pensa que enormes cantidades de gas brillante están a caer nun burato negro central masivo. M106, tamén denominada coma NGC 4258, está a uns relativamente achegados 23,5 millóns de anos luz de distancia, abarca 60 milleiros de anos luz de diámetro e pode ollarse cun telesopio pequeno cara a constelación dos Cans de Caza (Canes Venatici).
M106: unha galaxia espiral cun centro estraño
