Explicación: as auroras boreais ou luces do norte son visitantes familiares nos ceos nocturnos sobre a vila de Reine nas illas Lofoten, Noruega (planeta Terra). Nesta escena, capturada desde unha acapada no cumio da montaña, as cortinas aurorais semellan crear unha tensión pantasmal coas luces da costa. A estupenda imaxe, unha perspectiva moderna do mundo pola noite, foi escollida como a gañadora absoluta do Concurso Internacional de Fotografía do Ceo e a Terra de 2016 de World at Night (TWAN). A escolma se fixo entre 900 candidatas que salientan a fermosura do ceo nocturno e a súa batalla contra a polución lumínica.
