Explicación: esta brillante Lúa chea, vista desde a illa canaria de Fuerteventura, érguese no solpor. Acadando a súa fase chea na noite do 4/5 de xaneiro, foi a primeira Lúa chea no ano novo e a primeira que segue ao solsticio de decembro. Por suposto, en Norteamérica esta primeira Lúa chea de xaneiro é coñecida coma a Lúa do lobo. Pero esta Lúa chea, que posa no lusco e fusco por riba dunha illa de potentes ventos e muíños tradicionais, suxire outro nome. A imaxe con teleobxectivo, tirada a distancia do muíño de vento do primeiro plano, crea a comparación espectacular no tamaño aparente entre o muíño de vento e a Lúa chea.
A Lúa do muíño
