Explicación: un fermoso universo illa, Messier 94, atópase a uns simples 15 millóns de anos luz de distancia na constelación setentrional dos cans de caza, Canes Venatici. A galaxia espiral que ollamos de cara, un obxectivo popular para os astrónomos terrestres, ten uns 30.000 anos luz de diámetro, cos brazos espirais espallándose ao través dosexteriores do seu amplo disco. Pero este campo de visión do Telescopio Espacial Hubbleabarca uns 7.000 anos luz máis ou menos ao través da zona central de M94. O definido primeiro plano examina o núcleo da galaxia, compacto e brillante, e os destacados corredores internos de po, arrodeados por un espectacular anel azulado de estrelas novas e masivas. As estrelas masivas do anel probablemente teñen menos de 10 millóns de anos luz, o que indica que a galaxia experimentou unha era ben definida de rápida formación estelar. Coma resultado, mentres o pequeno e brillante núcleo é típico da claseSeyfert de galaxias activas, M94 tamén é coñecida coma unha galaxia de estoupido estelar. Debido a que M94 está relativamente achegada, os astrónomos poden explorar polo miúdo as razóns do estoupido de formación estelar da galaxia.
Galaxia de estoupido estelar Messier 94
