Explicación: o 6 de maio, despois da medianoite o lanzamento dun foguete Falcon 9SpaceX alumeou os ceos escuros sobre a illa Merritt (planeta Terra). A súa segunda etapa enviada á órbita terrestre, o arco do foquete semella estar en rumbo ao centro da Vía Láctea nunha estética imaxe composta que mira cara o surleste. Fixéronse dúas fotografías consecutivas cunha cámara fixada nun trípode que se combinaron para seguir ao foguete e a galaxia fogar. Unha exposición longa de 3 minutos en sensibilidade alta captou as estrelas e a tenue Vía Láctea. O brillante e alaranxado Marte domina o ceo estrelecido na parte superior dereita. Uns poucos minutos máis tarde, os foguetes aceleradores foron reiniciados e a primeira etapa do Falcon 9 dirixouse cara unha aterraxe no barco autónomo coa plataforma espacial Of Course I Still Love You (N.T.: “Por suposto que te sigo amando”), que agardaba pacientemente no Atlántico a 650 quilómetros ao leste do lugar de lanzamento de Cabo Canaveral.
