Explicación: pouco despois da medianoite do 18 de xullo un foguete SpaceX Falcon 9 despegou desde o Complexo de Lanzamento Espacial 40 na Estación da Forza Aérea en Cabo Canaveral (Florida), planeta Terra. Uns 9 minutos máis tarde, a primeira etapa do foguete voltou ao porto espacial. Esta exposición única capta o o arco do lanzamento do foguete e o ronsel da aterraxe desde o parque Jetty a só uns poucos quilómetros de distancia. Ao longo dunha traxectoria curva que vai rubindo, o despegue está perfilado polo queimado inicial da primeira etapa, rematando preto do cumio do arco brillante antes da separación da etapa. Debido á perspectiva o seguinte estourido brillante aparece por riba da parte superior do arco de despegue na foto, estando a primeira etapa descendente de volta máis preto do Cabo. O estoupido final da aterraxe crea unha marca longa mentres a primeira etapa vai máis lenta e volve a descansar na Zona de Aterraxe 1. Onte, a nave espacial de carga Dragon, deixada en órbita pola segunda etapa do foguete, foi acoplada á Estación Espacial Internacional.
