Luns 26 Febreiro 2024

Explorando as Antenas

Colision de galaxias
Datos da imaxe: Subaru, NAOJ, NASA/ESA/Hubble, R.W. Olsen – Procesado: Federico Pelliccia e Rolf Wahl Olsen.

Explicación: a uns 60 millóns de anos luz de distancia na constelación do sur Corvus, dúas grandes galaxias están a colisionar. As estrelas das dúas galaxias, catalogadas coma NGC 4038 e NGC 4039, case nunca coliden no curso do esgotador cataclismo, que dura centos de millóns de anos. Pero as súas nubes grandes de gas e po molecular a miúdo si o fan, desencadeando episodios furiosos de formación estelar preto do centro das ruínas cósmicas. Esta composición espectacular, que abarca uns 500 milleiros de anos luz, tamén desvela cúmulos estelares novos e materia guindada ao lonxe desde a escena do accidente polas forzas de marea gravitatoria. A destacada imaxe colaborativa é un mosaico construído usando datos procedentes de telescopios terrestres pequenos e grandes para salientar a gran escala mailas tenues correntes de marea, compostas cos núcleos brillantes fotografados moi polo miúdo polo Telescopio Espacial Hubble. Por suposto, a suxerente aparencia visual das grandes estruturas en arco danlle ao par galáctico o seu nome popular: as Antenas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente