Explicación: esta intrigante serie de fotogramas telescópicos, unha secuencia de 24 minutos desde o cumio ata o fondo, rastrexa a ocultación de Ío por Calixto, dúas das lúas galileanas de Xúpiter, desde San Pietro Polesine (Italia), planeta Terra. Un proxecto observacional desafiador empregando un telescopio pequeno, xa que os dous mundos xovianos, moi diferentes entre si, son ámbolos dous lixeiramente máis grandes ca Lúa da Terra. En realidade, o brillante e volcánico Ío e o escuro e cheo de cráteres Calixto teñen uns 3.640 e 4.820 quilómetros de diámetro respectivamente. Coa propia Terra cruzando agora preto do plano orbital das lúas de Xúpiter, os astrónomos están a gozar unha estación de eventos mutuos das lúas galileanas que van das eclipses ás ocultacións. A serie de cruces do plano orbital produce unha tempada de eventos mutuos cada 5 ou 6 anos.
Utilizamos cookies para asegurar que damos a mellor experiencia ao usuario no noso sitio web. Se continúa utilizando este sitio asumiremos que está de acordo.
