Sábado 20 Xullo 2024

A Europa da Galileo remasterizada

Lúa Europa
Créditos da imaxe: NASA, JPL-Caltech, SETI Institute, Cynthia Phillips, Marty Valenti.

Explicación: orbitando polo sistema xupiteriano a finais dos anos 90, a sonda espacial Galileo gravou imaxes abraiantes de Europa e descubriu evidencias de que a superficie xeada da lúa probablemente agoche un océano fondo e global. Os datos da imaxe da Europa de Galileo foron remasterizados recentemente aquí, empregando novas calibracións melloradas para producir unha imaxe en cor de como a podería ver un ollo humano, de xeito aproximado. As longas fracturas en curva de Europa son indicios de auga líquida por baixo da superficie. As flexións polas mareas que experimenta a gran lúa na súa órbita elíptica ao redor de Xúpiter proporciona a enerxía que mantén líquido o océano. Pero máis prometedora é a posibilidade de que incluso na ausencia da luz solar ese proceso podería aportar tamén a enerxía necesaria para que exista vida, facendo de Europa un dos mellores lugares para a procura de vida máis alá da Terra. Que tipo de vida se podería desenvolver nun océano fondo e escuro por baixo da superficie? Pensa que o planeta Terra ten o seu proio camarón extremófilo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un asteroide troiano de Xúpiter pasará polo ceo de Galicia

En Santiago de Compostela hai un 34 % de probabilidade de observar a ocultación dunha estrela

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa