Explicación: Circinus X-1 é unha estrela binaria de raios X coñecida pola súa variabilidade errática. No estraño sistema Circinus X-1, unha densa estrela de neutróns, o remanente colapsado dunha explosión de supernova, orbita cunha compañeira estelar máis normal. As observacións da binaria de raios X durante meses seguindo unha intensa labarada en raios X procedente da fonte en 2013 desvelou progresivamente uns aneis concéntricos espectaculares; ecos de luz de raios X brillantes procedentes das catro nuves intermedias de po interestelar. Nesta composición de luz visual/raios X, as franxas dos datos da imaxe do Observatorio de Rayos X Chandra amosan os perfís parciais dos aneis en cores simuladas. De xeito destacado, o ritmo dos ecos de raios X xunto coas distancias coñecidas ás nubes de po interestelar, determina a ata o de agora distancia moi indeterminada ata a propia Circinus X-1 en 30.700 anos luz.
Ecos de raios X desde Circinus X-1
